تعارف مرکز اسلام

جامعہ جیلانیہ رضویہ علمی روحانی مرکز  خانقاہ اولی کے سرپرست پیر طریقت رہبر شریعت ابو نعمان پیر محمد رمضان رضوی سیفی رحمۃ اللہ علیہدامت برکا تہم العالیہ جو شب و روز دین اسلام کا پیغام عام کرنے میں مصروف عمل ہیں وہ ادائے دلبری کہ نوائے عاشقانہ جو دلوں کو فتح کرلے وہی فاتح زمانہ جس شخصیت و محبوب دلربا کا تذکرہ میری قلم کر رہی ہے اگر ان کے بارے میں یہ کہا جائے تو بے جانہ ہوگا یہ کسی شخصیت کا نام لکھا نوک قلم نے لفظوں کی سیاہی سے کرن پھوٹ رہی ہے وہ کامل درویش ہیں علم و عرفاں کے بدر منیر ، عشق و محبت کے میر درخشاں جن کا دل ہر لمحہ عشق سرور کونین صلی اللہ علیہ وآلہ وسلم سےلبریز ، جن کی نگاہیں جلوہ یار میں گم ، زندگی رضائے الہی کے حصول کے لئے کوشاں ، جن کے دل میں درد اسلام اور درد انسانیت بھی ہے جن کی زندگی کا ہر لمحہ راہ حق کے لئے وقف وہ جو عاشق حبیب کبریا بھی اور اسیر گیسوئے مصطفی اسلام بھی ہیں ملت اسلامیہ کو اپنی ضیا پاشیوں سے منور کرنے والے پیر طریقت رہبر شریعت ابو نعمان پیر محمد رمضان رضوی سیفی صاحب ہیں آپ نے جامعہ جیلانیہ رضویہ کا آغاز 5 جولائی 2007 کو کیا۔ یہ دار العلوم جامعہ جیلانیہ رضویہ بہت پر سکون اور پر فضا مقام پر ہے یہ مرکز تنظیم المدارس اہلسنت و جماعت پاکستان سے منسلک ہے اور اس کی سند ہر ادارے میں قابل قبول اور منظور ہے جامعہ کا مقصد نفس و شیطان کے خلاف تمام تدبیروں کو ناکام بنا نا گم گشتگان راه حق کو صراط مستقیم پر گامزن کرنا۔ ملت اسلامیہ کے طلباء و طالبات کے قلوب واذہان میں اسلامی روح بیدار کرنا ہے۔ الْحَمْدُ اللہ دار العلوم جامعہ جیلانیہ رضویہ معیار حق و صداقت قائم کرنے کے لئے مصروف عمل ہے وہ علاقہ جو کب سے دین کی تعلیم سے دور تھا اس جگہ پر بہار کی آمد دار العلوم جامعہ جیلانیہ رضویہ سے ہوئی اس لئے اس مرد درویش نے اپنی حیات بخش کرنوں سے وہاں کی دنیا ہی بدل ڈالی خدا کے اس محبوب اور مرد درویش نے جب اس میدان میں اسلام کی شمع روشن کی تو ہر طرف بہار ہی بہار ہوگئی اور تا قیامت جاری و ساری رہے آمین اللہ کرے جامعہ جیلانیہ رضویہ دین اسلام کا جامع اور مضبوط چمن بنے یہاں سے سینکڑوں ہزاروں لوگوں نے فیض پایا ہے اور تا قیامت پاتے ہی رہیں گے۔